KYRRE-standarden
KYRRE er ein norsk standard for registrering av kyrkjebøker. Den fortel korleis du gjer om handskrivne innførslar i kyrkjebøker til søkbare data i Digitalarkivet.
KYRRE er ein instruks for transkripsjon og ikkje eit verktøy. Til sjølve transkripsjonen må du nytte enten excel eller registreringsprogrammet Augustus.
KYRRE-standarden er laga av Arkivverket, og har vore gjeldande frå 2005. Standarden inneheld retningslinjer for transkripsjon av data frå kyrkjebøkene, korleis feltoppsettet skal vere og korleis kvart felt skal fyllast ut. Ein kan bruke KYRRE på alle kyrkjebøker, jamvel dei eldste bøkene utan kyrkjebokskjema.
Sidan KYRRE vart lansert i 2005 har Digitalarkivet vore streng med godkjenning av kyrkjeboktranskripsjonar for publisering. Me ynskjer at dataa skal fylgje standarden.
Slekt og Data har laga registreringsverktøyet Augustus. Augustus er gratis og du kan laste det ned frå Slekt og Data sine sider.