Om transkripsjonen

Skifteregister for Nordfjord 1690-1851

Denne databasen byggjer på skifteprotokollane for Nordfjord 1690-1851 bortsett frå åra 1691-1697, 1700, 1707, 1716-1727 og 1735-1743 då slike protokollar manglar. Ved utarbeidinga av databasen har vi bygt på originale register i protokollane og på nokre kronologisk ordna register i Statsarkivet i Bergen. Kvaliteten har vore skiftande, og det meste av korrekturen er lesen mot originalprotokollane.

Inndelinga i skipreider og seinare tinglag er nokolunde fast. Vi skal berre nemne følgjande:

• Stad skipreide svarar til det seinare Selje tinglag (Selje og Vågsøy).
• Eid og Hornindal var ei skipreide til 1870, men vi finn ofte nemninga Hornindal skipreide i protokollane, og har brukt den i registeret. I tilfelle der vi har same gardsnamn både i Eid og Hornindal, kan lokaliseringa i registeret somme tider vere usikker.
• Olden skipreide eller tinglag omfatta Olden og Loen sokner til 1842. Frå dette året finn vi Olden, Innvik og Utvik sokner under Innvik tinglag.
• Stryn skipreide eller tinglag omfatta Oppstryn, Nedstryn, Innvik og Utvik sokner til 1842, seinare Oppstryn, Nedstryn og Loen sokner. Gardane Nordbrekke og Voldsæter vart i 1848 overførte frå Stryn tinglag til Sunnylven tinglag på Sunnmøre.

Skrivearbeidet er utført av Inger Berit Einarsen for midlar frå Landslaget for lokalhistorie. Egil Øvrebø var ansvarleg for tilrettelegging, korrektur og etterarbeid.

Fordelinga av materialet etter protokoll er slik:

| | | | | -- | ---- | | | Protokollnr. | År: | Antal | | 1a | 1690 | 6 | | 1a | 1698-1699 | 59 | | 1b | 1699 | 63 | | 2a | 1701-1703 | 78 | | 2b | 1702-1704 | 64 | | 3 | 1704-1706 | 189 | | 4a | 1708-1709 | 87 | | 4b | 1709-1711 | 86 | | 5a | 1711-1713 | 125 | | 5b | 1713-1715 | 141 | | 6 | 1727-1731 | 336 | | 7 | 1731-1734 | 321 | | 9 | 1744-1747 | 329 | | 10 | 1747-1750 | 277 | | 11 | 1750-1753 | 261 | | 12 | 1753-1757 | 305 | | 13 | 1758-1762 | 337 | | 14 | 1762-1766 | 503 | | 15a | 1766-1770 | 330 | | 15b | 1770-1774 | 307 | | 16a | 1774-1777 | 297 | | 16b | 1777-1780 | 307 | | 17 | 1781-1785 | 457 | | 18a | 1785-1787 | 211 | | 18b | 1786-1790 | 265 | | 19a | 1790-1792 | 272 | | 19b | 1792-1795 | 244 | | 20a | 1795-1799 | 320 | | 20b | 1799-1803 | 348 | | 21a | 1804-1808 | 328 | | 21b | 1808-1813 | 460 | | 22a | 1813-1817 | 416 | | 22b | 1817-1822 | 363 | | 23a | 1822-1827 | 377 | | 23b | 1827-1833 | 366 | | 24 | 1833-1839 | 463 | | 25 | 1839-1846 | 550 | | 26 | 1846-1851 | 519 | | Sum | | 10767 |

Materialet fordelt på tinglag:

| | | | ---- | | | Breim | 935 | | Davik | 1856 | | Eid | 1310 | | Gloppen | 1321 | | Hornindal | 506 | | Innvik | 41 | | Olden | 931 | | Stad | 1785 | | Stryn | 2082 | | Sum | 10767 |

YN, 4.8.1999