Om transkripsjonen

Folketeljinga 1835 for Jølster

Originalen til folketeljinga 1835 for Jølster er å finne i Jølster prestearkiv, Statsarkivet i Bergen. Same boka som inneheld teljinga frå 1835 har og med teljinga for 1825.

Dagen for folketeljinga 1835 vart ved kongeleg resolusjon 10. august 1835 sett til første søndag i advent, 29. november.

Gardsbruket skulle vera den minste teljeeining. Skjema for by og land er delte i tre hovudrubrikkar: folkesetnaden delt inn etter alder og kjønn, etter stand og næringsveg og den siste rubrikken omfattar jordbruksstatistikk. Informasjon om husdyrhald, utsæd av korn og poteter og normalt folltal skulle vera med både for by og land.

I tillegg til skjema for by og land var det eit eige skjema for blinde, døvstumme og sinnsvake som er delte inn etter alder og kjønn. Her vart det gjeve summariske oppåver for heile prestegjeldet eller byen.

Resolusjonen av 10. august er trykt i "Love, Anordninger m.m.", bind 8, side 87. Dei to sirkulæra av 14. august
og "Tabeller over Folkemængden i Norge den 29de November 1835" er publiserte i "Statistiske Tabeller
forKongerigt Norge første Række". Christiania 1838. Jordbruksstatistikken er trykt i "Anden Række".
Christiania 1839.

Denne databasen er laga av Yngve Nedrebø, Statsarkivet i Bergen i juli 1995. Databasen har berre med opplysningane om personane. I originalen finn ein og opplysningar om utsæd og dyrehald.

Sjå elles om folketeljingar.