Om transkripsjonen

Gravlagde i Stord 1804-1815

Stord prestegjeld omfatta soknene Stord, Fitjar (til 1862), Valestrand (til 1870).

Fitjar utskilt som eige prg. i 1862

Valestrand overført til Sveio prg. i 1870

Denne databasen, som byggjer på kyrkjebok mini A 4 for Stord prestegjeld, er laga ved Statsarkivet i Bergen av Marianne Herfindal Johannessen i 2006/2007. Databasen er kontrollert, men ikkje korrekturlesen.

Databasen inneheld 680 gravlagde for åra mellom 1804 og 1815 (1816).

Originalkyrkjebøkene er å finne i Statsarkivet i Bergen. Kyrkjebøkene er mikrofilma, og film/mikrokort kan ein få kjøpt gjennom Riksarkivet, Postboks 4013 Ullevål Stadion, 0806 Oslo.

Særskilte merknader til databasen:

Databasen inneheld ikkje personar som er gravlagde før i 1804, sjølv om kyrkjeboka startar i 1800. Det er av di det allereie finst ein database over gravlagde i Stord 1725-1803 som har tatt med dei første åra av denne kyrkjeboka.

Nokre av dei gravlagde er ikkje jordfesta eller ”kastet Muld paa” før i 1816, difor er året 1816 innført i feltet for år sjølv om boka eigentleg ikkje går lenger enn til 1815.

Statsarkivet i Bergen, Marianne Herfindal Johannessen, 11. januar 2007

Les og om kyrkjebøker