Om transkripsjonen
Lemmer på St. Jørgen Hospital i Bergen 1781
Oppgåva over lemmene på St. Jørgen Hospital i 1781 er henta frå arkivet til Stiftamtmannen i Bergen, pakke 2107.
St. Jørgens Hospital i Bergen er nemnd i kjeldene første gong i 1411, men er truleg mykje eldre. Det skulle vere hospital for spedalske og andre varig sjuke. Utfyllande opplysningar kan ein finne på nettadressa
Databasen vi legg ut her er bygd på oppgåva frå 1781, og viser at det då var 98 sjuke og 10 hadde kjøpt seg plass i ”Friskestuen”. Dei friske kunne vere slektningar, som hadde komme inn med ein sjuk mann eller ei sjuk kone til Hospitalet, eller dei kunne ha kjøpt seg ein stad å vere i alders år.
Databasen fortel om namnet på den innlagde, namnet på foreldra, når dei var komne inn, og kvar dei kom frå. Databasen viser at seks av dei som var på St. Jørgen i 1781 hadde vore der i meir enn 20 år. Men 43 var komne inn i to to foregåande åra, og stort sett vart ikkje lemmane buande der i mange år før dei vart flytta til gravplassen St. Jacob.
Ein kan finne opplysningar om lemmene på St. Jørgen i kyrkjebøkene frå St. Jørgen med Årstad, og det ligg ein database over lemmene frå 1687 til 1822 her http://da2.uib.no/cgi-win/webcens.exe?slag=visbase&filnamn=arkivverket/STJORGB
Yngve Nedrebø, 04.12.2003