Personskjema for Israel Paltiel. Sør-Trøndelag fylke, Trondheim, Statleg folketeljing 1891, side 3017. Arkivref.: RA/S-2231/E/Ea/L0866/0001

Folketeljinga 1891 for Trondheim og andre nye kjelder

Fleire søkbare folketeljingar og kyrkjebøker er no tilgjengeleg i Digitalarkivet.

Publisert: 2018-02-23

Denne veka vart folketeljinga 1891 for Trondheim søkbar i Digitalarkivet. Slekt og Data Sør-Trøndelag har transkribert teljinga, Jostein Mediaa har lese korrektur og Finn Karlsen har koordinert arbeidet. 1891-teljinga for Trondheim er ei jubileumsgåve til Digitalarkivet frå Slekt og Data Sør-Trøndelag.

25760 personer er med i 1891-teljinga for Trondheim. Ein av desse er Israel Paltiel, fødd i Polen, busett i Sverige og urhandlar. Han flytta seinare til Trondheim, og er registrert i Trondheim både i 1900- og i 1910-teljinga. Israel var farfar til Julius Paltiel som vart fødd i Trondheim i 1924 og døydde same stad i 2008. Julius Paltiel var ein av dei få overlevande norske jødane frå Auschwitz.

Jostein Mediaa har i tillegg transkribert folketeljinga 1891 for Flå og Melhus i Trøndelag, og Buskerud Slektshistorielag har transkribert folketeljinga 1891 for Nore i Buskerud. Terje Sande, Steinar Vasaasen, Inger Elisabeth Håkestad og Tirsdagsklubben har levert avskrifter av kyrkjebøker. I tillegg er ein del skanna adressebøker for Oslo publiserte denne veka.

Sjå lista over siste publiserte for eit oversyn over nye kjelder i Digitalarkivet.

Tusen takk til alle som har bidrege!