3 små tøynisser med CD, bærbar datamaskin og ledningar på hylle i arkivmagasin
God jul frå digitaliseringsnissane. Foto: Tone Merete Bruvik, 2018

Julehelsing 2018

Snart er det jul og tid for å tenke litt tilbake på året som snart er til endes.

Publisert: 2018-12-21

1891-teljinga er søkbar for nesten heile landet

518 kommunar frå 1891-teljinga er no søbare. Det er berre 43 kommunar igjen, og desse er reserverte av nokre av våre trufaste digitalpensjonatgjestar som lagar avskrifter, slik at snart vert heile teljinga søkbar.

Den siste veka er avskrifter frå heile 364 kommunar gjort tilgjengeleg. Dette er avskrifter som dei utanlandske bedriftene Ancestry, MyHeritage og FamilySearch (AMF) har laga. Les meir om dette her:

Fleire søkbare kommunar i 1875-teljinga

Sidan 3. november er folketeljinga frå 1875 for fylka Sør-Trøndelag og Østfold blitt komplette i søkbar versjon i Digitalarkivet. I tillegg er transkripsjonen for Øvre Stjørdal prestegjeld i Nord-Trøndelag blitt supplert med Hegra sokn i tillegg til Meråker sokn som var lagt ut frå før. Dei neste fylka til å kompletteras for folketeljinga frå 1875 blir Oppland og Sogn og Fjordane.

Nytt skanna arkivmateriale i 2018

I året er det lagt ut 10.053.728 bilete frå 7.551 kjelder (ureviderte tal). Totalt er det no 43.307.265 bilete frå 65.797 kjelder, og noko over halvparten er open for alle.

Nytt søkbart arkivmateriale i 2018

Nye personposter so langt i år er 1.109.347. Totalt er det no 33.930.038 personpostar søkbare i Digitalarkivet.

God jul og takk for det gamle!

Vi i Digitalarkivet ynskjer alle ein fin julehelg, og takkar for godt samarbeid til våre mange digitalpensjonatgjester og til alle dykk som brukar Digitalarkivet!

Takk for det gamle året som snart er slutt, og takk for alt gamalt som gjer at Digitalarkivet har noko å formidle inn i framtida!